Römm er sú taug / Strong is the bond
Þorbjörg Halldórsdóttir (1875-1979)
Þorbjörg Halldórsdóttir fæddist 21. janúar 1875 í Strandarhjáleigu í Vestur – Landeyjum í Rangárvallasýslu og kenndi sig alltaf við þann stað. Hún var lengst af vinnukona og vann almenn bústörf, en um sjötugt þegar bústörf voru að baki tók hún að sauma út myndir. Mynstrin skapaði hún sjálf og með breytilegum útsaumssporum og litum öðluðust myndverkin dýpt og mismunandi áferðir.
Útsaumsverk Þorbjargar eru fjölmörg og má telja að þau hafi verið nýmæli í listsköpun á Íslandi. Strandarhjáleiga var algengasta myndefnið en hún gerði ekki færri en sex verk sem sýna húsakynni hennar kæra æskuheimilis. Elsta þekkta verk Þorbjargar er mynd af Ölfusárbrúnni sem var reist 1945 en verkið er talið saumað 1946. Síðasta verk hennar er frá 1975, þegar hún var 100 ára, en í ár eru 150 ár liðin frá fæðingu hennar. Þorbjörg lést á Hrafnistu í Reykjavík 4. apríl 1979, 104 ára gömul.
/
Thorbjorg Halldorsdottir was born in Strandarhjaleiga in south west Iceland, and always identified closely with her place of birth. For most of her adult life she worked as a farmhand but in her seventies, when she retired, she began to embroider. She designed her own patterns, and with assorted embroidery stitches and colours, her artworks acquired depth and varied textures.
Halldorsdottir’s numerus embroidery works can be considered an artistic novelty in Iceland. Her place of birth was her most frequent subject matter, but she made no fewer than six works showcasing her beloved childhood home. Her oldest known work depicts the bridge over the Olfusa river, which was built in 1945, but the work is believed to have been sewn in 1946. Her last work is from 1975, when she was 100 years old. This year marks the 150th anniversary of her birth, she passed away in Reykjavik on April 4th 1979, 104 years of age.
Strandarháleiga í Vestur-Landeyjum í Rangárvallasýslu 1896. Myndin sýnir framhlið húsanna auk þess grunnflöt einstakra húsa. Saumað eftir minni. Þorbjörg Halldórsdóttir fæddist 1875 í þessum bæ. 
Kirkjur á biskupssetrinu Skálholti í Biskuptungum í Árnessýslu. 
Strandarhjáleiga – Aldarafmælisdúkur. Gerður 1975 í tilefni aldarafmælis Þorbjargar Halldórsdóttur. 
Bærinn Keldur á Rangárvöllum 1930, framhlið og grunnflötur ásamt kirkju. 
Viðey á Kollafirði fyrir utan Reykjavík með Viðeyjarkirkju og Viðeyjarstofu. 
Miði úr fórum Þorbjargar með upptalningu á nöfnum lita. Líklega tilraunir hennar til að búa til kerfi yfir nöfn lita. Kannski er þetta lýsing á lítum hún notaði. 
Austursalur / East Room 2025
Sýningargerð / Curator Þórgunnur Þórsdóttir
Rannsókn og textar / Research and texts Eiríkur G. Guðmundsson
↓
Þorbjörg Halldórsdóttir í herbergi sínu á Hrafnistu í Reykjavík 1974. Hún var þá elsti íbúinn þar. Myndin birtist í bók á þýsku um Ísland sem út kom 1975. Höfundar voru Klaus D. Francke og Hans Joachim Bonhage. Bókin heitir „Die älteste Einwohnerin des See Seemanns-Altersheims vor ihren Erinnerungsstücken.“ Island, (Atlantis Verlag, Zurich og Freiburg, 1975). Francke tók myndir en Bonhage skrifaði texta. Francke sendi Þorbjörgu myndina að gjöf og heimsótti hana síðan á Hrafnistu í kjölfarið. Ekki er vitað hvað þeim fór á milli en talið er líklegt að hann hafi þá fengið útsaumsverk hjá Þorbjörgu.
↓